May nakahan-ay nga mga programa ang Department of Labor and Employment (DOLE) para sa maggraduate nga mga estudyante sa Kolehiyo kag Senior High School agud nga ipreparar ang mga ini sa pagpangita sang obra.
Suno kay Harlyn Marie Deriada sang Dole South Cotabato todo ang ginahimo nila nga employment coaching sa mga maggraduate nga mga estudyante partikular na sa Senior High School sa tion nga may-yara sang mag-imbitar sa ila nga mga eskwelahan.
Sa employment coaching ginatudluan suno pa ang mga kabataan kon paano ipreparar ang kaugalingon sa interview kag subong man magpangita sang trabaho.
Ginpahayag man ni Maam Deriada may mga jobfairs man sila nga ginapatigayon nga sarang kadtuan sang mga jobseekers.
Samtang lakip sa mga trabaho nga sarang aplayan sang mga maggraduate sa SHS nga makit-an sa Philjobnet amo ang call center, service crew, salesman kag iban pa nga indi kinahanglan nga college degree.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
