Davao City – Gi-postpone usa ang interview sa Public Employment Service Office kun PESO-Davao alang sa mga interesadong mu-apply og trabaho isip factory worker sa Japan.
Kini ang gianunsyo sa maong buhatan diin wala pa usab kini mihatag og detalye og kanus-a ang interview sa nasangpit nga trabaho.
Samtang sa pakighinabi sa DXDC RMN Davao kang Erwin Cagape sa PESO Davao, gianunsyo niini ang mga job fairs nga ilusad karong bulana.
Sumala ni Cagape, adunay himuong mini job fair karong March 20, 2019 sa City Hall Training Hall (Rooftop), ala 1 ngadto na sa alas 5 sa hapon.
Samtang karong Marso 30, 2019 laing job fair na usab ang ilusad sa Cabantian gym alang sa mga nagapangita og trabahong lokal.
Alang sa dugang mga pangutana, mamahimong mutawag lang sa PESO Davao contact number nga 233-6890 o di ba kaha muadto sa ilang main office nga nahimutang sa Davao City Recreation Center sa may Quimpo Boulevard ning syudad.
RadyoMaN Renz Barbarona
