Intramuros, pansamantalang isasara sa publiko

Pansamantalang isasara ang mga pasyalan sa Intramuros kasunod na rin ng pagtaas ng mga kaso ng COVID-19 sa bansa.

Sa anunsyo ng Intramuros Administration, isasara pansamantala sa publiko ang Fort Santiago, Baluarte de San Diego, Casa Manila Museum, Plaza Roma, President’s Gallery at ipagbabawal din muna ang entry o pagpasok paakyat sa pader ng Intramuros.

Lahat din ng mga gates ng Intramuros ay sarado mula alas-9:00 ng gabi hanggang alas-5:00 ng umaga maliban sa gate 3 sa may Manila Cathedral at gate 11 malapit sa DOLE-PLM.


Ang pagsasara ng mga gates ay bunsod na rin ng ipinatutupad na unified curfew hours sa Metro Manila.

Ang mga establisyimento naman na nag-aalok ng board and lodging sa paligid ay inoobliga na makipag-ugnayan sa barangay bago payagan na makapasok sa gate ng Intramuros at kinakailangan na pagsapit ng alas-6:30 ng gabi ay wala ng tao sa mga plaza.

Facebook Comments