Investigation Task Group- Amiril gimugna

125

Davao City – Nagmugna na og Special Investigation Task Group kun SITG-Amiril ang Davao City Police Office kun DCPO sa pagtutok sa pagpangambush kang Assemblyman sa second District, Maguindanao Province Sidik Amiril.

Sumala ni DCPO director Alexander Tagum nga duha ka anggulo ang ilang ginalantaw karon nga mao ang alegasyong kalambigitan niini sa iligal nga droga ug Redo sa Maguindanao.

Sa karon, padayon pang ginaimbestigahan sa kapulisan ang nahitabong pagpangambush kagahapong adlawa samtang si Amiril nakagawas na sa balay-tambalanan kaganinang kadlawun human gidala sa Davao Doctors Hospital.


Kahinumduman nga napatay ang usa ka helper niini samtang wala ra naunsa ang Assemblyman ug ubang sakay sa pick-up human matud pa giambush alas 2:30 kagahapon sa hapon sa Corner Macupa, Chico Street, Phase 4,Cuidad Esperanza, Cabantian, Buhangin District, Davao City.

RadyoMaN Renz Barbarona

Facebook Comments