Davao City – Dili tama nga mo-resign ang mga trabahante ug opisyal sa gobyerno kinsa nibatikos sa kagamhanan tungod sa isyu sa closure sa mga investment schemes sama sa KAPA, Rigen ug uban pa sanglit mamahimo kining isyung emosyonal ilabi na nga daku ang kantidad sa kwarta ang nalambigit dinhi.
Sumala ni Prof. Astro del Castillo, usa ka iladong financial consultant sa mga dagkung korporasyon, ang angay himoon mao nga pasabton sila sa ensaktong proseso sa responsableng pag-invest pinaagi sa himoong hustong komunikasyon ug ‘investor education’ aron mahimong tama ang ilang pagsulod sa ingon niini nga matang sa negosyo.
Giklaro usab ni Castillo nga adunay tulubagon ang mga local government officials kung nganong ilang gitugotan nga mag-operate ang maong mga controversial money-making ventures diha sa ilang tagsa-tagsa ka mga lugar ingon man ang presensya sa gikatahong nagpadayong mga ‘secret payouts.’
RadyoMan Bernard Pantallon
