Gimonitor karon sa kapulisan sa iligan ang posibleng mga investment scam sama sa pipila ka mga lugar dinhi sa pulo sa Mindanao nga talamak ang susamang kalihukan.
Gibutyag ni PNP Spokesperson Police Major Jovanie Cabusas nga illegal ang susamang binuhatan hinungdan nga dili nila boot kini mapasagdan lamang nga ang katawhan unya mao’y mamahimong biktima.
Hinoon sumala ni Cabusas, subay sa ilang pagmonitor wala pa makaabot ang susamang investment scam dinhi sa iligan apan adunay pipila nga naka invest niini sa laing lugar sama sa Cagayan de oro ug bukidnon.
Nagpasidaan si Cabusas sa katawhan nga dili dali motoo sa susamang mga investments aron dili pagmahay ang ilang dangatan kun ugaling dili na mauli pa ang salapi nga ilang gitugyan ngadto ni bisan kinsa man nga gropo.
