Davao City – Sirado na karon ang usa ka bag-ong abri nga investment scheme human kini gisusi sa kapulisan nga nahimutang sa may Roldan Village, Brgy. Maa ning syudad human giingong nag-operate nga walay permit.
Sa pakighinabi ni Police Regional Office kun PRO XI Regional Director Brig. Gen. Morales sa usa sa mga staff o nagpailang investor usab sa Jogle Innovative Marketing nga si Janet Garcia nga kagahapon lang nag abri ang branch sa maong investment scheme nga orihinal nag-gikan sa Tagum City.
Sumala ni Morales nga di angay mag-operate ang usa ka negosyo og wala kini permit busa ang maong establisemento nga nag abri kagahapon, temporary usa nga nanirado karon.
Samtang sa pakighinabi usab sa Davao media kang Garcia, gibarugan niini nga dili parehos sa ubang scheme ang ilang investment gumikan aduna silay produkto nga ginabaligya nga mao usab ang ginakuhaan panahon nga ibalik na ngadto sa mga investors ang return of investment diin sila nagtanyag og x 4 niini sulod sa 45 days.
Dugang pa, gipakita usab ni Garcia ang mga papeles sa ilang aplikasyon sa SEC ug sa ilang permit ug gibarugan nga aduna matud pay 2 months nga provision ang mga negosyo nga mag operate bisan wala pay permit nga under observation sa Business Burea apan hugot ang order ni Morales nga di usa kini mag-operate og walay igong mga dokumentos.
Samtang naabtan usab sa mga media ang usa ka nanay nga si Annie Tapere nga mudugang pa og invest unta sa maong scheme apan nahadlok kini ug planong bakwion ang giinvest niini.
Padayon karon ang operasyon sa kapulisan ngadto sa mga investment scheme nga walay mga permit.
RadyoMaN Renz Barbarona
