Davao City – Gituhuang nagpadayon gihapon karon ang operasyon sa mga investment schemes denhe sa atong rehiyon tungod kay aduna gihapoy naga-pay in pinaagi sa online ng iskema.
Sumala ni Davao City Anti-Scam Unit Head Simplicio Sagarino, daghan gihapong mga investors ang midangop sa ilang opisina aron magpatabang aron mauli ang ilang gi-invest nga kwarta tungod kay wala na nagpakita kanila ang mga kawani niini.
Saysay ni Sagarino, base sa inpormasyon nga ilang nakuha sa mga nagpatabang kanila, aduna gihapoy mga sekretong pay-out apan wala nay lehitimong opisina ug ginahimona lamang kini diha sa mga sakyanan.
Tungod niini, nanawagan karon ang Anti-Scam Unit sa mga tawo nga dili na gyud magpadala niini nga matang sa negosyo tungod kay kini dili gayud magdugay, maayo lang sa sinugdanan kay maka-pay out pa sa tulo ka higayon apan sa ika-upat o ika-lima dili na sila makontak ug makita pa.
RadyoMaN Bernard Pantallon
