Davao City – Nidagsa sa Davao City Anti-Scam Unit ang mga investors sa Crowd Royals, High Class, Casino Financing ug LK 638 aron magpatabang nga maduso ang ilahang mga complaints.
Sa interbyu sa RMN Davao kang Anti-Scam Unit head Simplicio Sagarino nga niasister sila sa maong mga investors aron makahimo og demand letter batok ngadto sa mga ilahang gireklamong mga investment schemes.
Naglain ang buot sa usa sa mga investors sa Crowd Royals kinsa nakainvest P1.2M human nga dili na nila mahimamat pa ang mga opisyales kinsa matud pa iyaha ra pod nga mga higala.
Gisaysay pa niini sukad nga gimando ni Presidente Rodrigo Duterte ang pagpasarado sa tanang mga investment schemes, padayon gihapon ang operasyon sa nasangpit nga investment scheme pinaagi sa messenger, text o pasekreto nga meet-ups.
Niadtong Hunyo nagpa-promo matud pa kini x300% ang tubo sa ilahang iinvest busa naagni kini nga mu-invest pa uban usab ang iyahang mga pamilya apan hangtod karon wala na gayod nila nadawat ang gikatakdang pay-out.
Nidangop gilayon sila sa mga nagdaiyang mga ahensya sa gobyerno aron manubag gayod ang mga opisyales sa Crowd Royals.
Samtang daghang mga nahanaw nga mga investments gikan sa mga complainants nga nipatim-aw sa Anti-Scam Unit pipila kanila ni-invest og P16M sa LK 638 Wellness Products Traiding, P1.2M sa Casino Financing ug usa usab ka mga complainant ang nakahulog og dul-an P400K sa High Class Traiding.
RadyoMaN Aimee Guinita
