Davao City – Gipaniguro sa Tagum City Police Office nga ma-mentenar ang kalinaw ug luwas ang publiko nga nisalmot sa mga investment schemes.
Matud ni Tagum City PNP spokeperson Police Capt. Anjanette Tirador, apil sa ilang security measures ang mga lugar diin dugok ang mga tawo aron malikayan nga adunay mahitabong robbery incidents ug uban pang mga krimen.
“Dili man nato mapugngan ang mga tao kay ilaha manang katungod nga muapil but we assure the peace and order security naman. Ginaaapil namo ni sa amoang security deployment plan because ang atoa dinha nga ma-prevent nato ang any untoward incidents kay kung asa ang tapok, naa gyod nay pay-out,” matud ni Tirador.
Matud ni Tirador, wala silay nadawat nga complaint kalabutan sa investment schemes apan abli kanunay ang ilang buhatan nga mo-asister kung adunay may mga reklamo.
Pahinumdum sa kapulisan sa katawhan para sa ilang safety nga likayan ang pag-post og mga dinagkong kwarta diha sa social media.
“We discourage them nga i-post ang kwarta nila sa Facebook nga naa pa gyod ang ilang mga nawong kay they are giving lawless elements (the opportunity) nga naay mahitabo sa ilaha,” segun ni Tirador.
RadyoMaN Aimee Guinita
