Manila, Philippines – Inimbitahan ni Chinese President Xi Jinping si Pangulong Rodrigo Duterte na bumisita sa kanilang bansa sa susunod na taon para sa annual forum tungkol sa massive infrastructure program.
Ayon kay Xi – nais niyang makadalo si Pangulong Duterte sa ikalawang Belt and Road Forum kung saan ang China ang magiging host.
Itinalakay din ni Xi kay Pangulong Duterte ang multibillion dollar flagship program na layong palawakin ang trade and infrastructure network sa Asya at Europa.
Binanggit naman ng Pangulo ang naiambag ng China sa build build build infrastructure projects ng bansa.
Ikinalugod din ni Duterte ang positibong pag-usad ng magandang relasyon ng China at Pilipinas.
Umaasa ang Pangulo na mas lalo pang maging malapit ang dalawang bansa na maghahatid ng kapayapaan at kaunlaran.
