Davao City- Gitabangan sa Revitalized Pulis sa Barangay ilawom sa 2nd Davao Del Sur Provincial Mobile Force Company makabaton og birth certificate ang komunidad sa kalumaran sa Barangay Colonsabac, Magsaysay Davao Del Sur.
Mukabat sa kapin 100 ka sakop sa tribong B’laan sa maong Barangay ang nahatagan og birth certificate gumikan sa inisyatibong lakang sa RPSB sa pagpanguna ni Commander PLTCOL. Darwin Taypin.
Nasayran nga kabahin sa Quick Impact Project Program ang nasampit nga lakang kansang tumong mao ang paghatod og serbisyo ug pagtabang sa katawhan partikular sa mga kalumaran ug usa na niini ang pagbaton og birth certificate nga dili na kinahanglan mugasto ug maghago ang mga kalumaran sa maong barangay.
Busa, nagpasalamat ang naasoy nga mga benepisaryo sa gitunol nga tabang sa mga sakop sa Revitalized Pulis sa Barangay kay niini aduna na gayod sila’y gihawirang sertipiko sa ilang pagkahimugso aning kalibutana.
RadyoMaN Joel Viray
Facebook Comments
