Davao City – Lauman nga mag montar na og Indigenous Peoples Desk sa tanang police stations sa Rehiyon 11.
Kini human nahinayon ang Convergence of Indigenous People and the Police kun diin gipahigayon anb Memorandum of Agreement (MOA) signing tali National Commission on Indigenous Peoples (NCIP) ug Police Regional Office (PRO) 11dinhi sa Police Bagani Hall sa Camp Sgt. Quintin, Merecido, Buhangin ning syidad sa Davao diin mismong si PRO XI Regional Director Supt. Marcelo Morales ang nangulo niini uban ang 12 ka mga tribal leaders.
Sa iyang mensahe, gihatagan niini og importansya sa pagkasayod sa mga tradisyon ug customary laws sa mga lumad sanglit mag montar na og IP desks sa tanang Police Provincial Offices, City Police Offices lakip sa tanang Police Stations sa Davao region.
Gitataw ni Morales nga ang IP desk dakong tabang aron matabangan ang mga lumad sa ilang mga mulo diha sa kabarangayan ingon man kung ginadagmalan ang ilang tawhanong katungod.
“Hindi sila basta-bastang makakapag file ng kaso kung hindi muna dumaan sa kanilang mga tribal leaders,” segun niini.
Gani aron mas palawman pa ang pagsabot, adunay Orientation Seminar bahin sa kultura o tradisyon ug customary laws sa IPs ang tanang 66 ka mga police officer nga maassign aron mutabang sa mga lumad.
RadyoMaN Jason Amisola
