“Ang kalisod sa among pagpuyo ug pagpangita sa adlaw-adlaw nga pagkaon, ang nahimong rason kung nganong ako nagpadayon sa pagtuon. Kay dili lalim nga mudako ko nga walay kahibalo,” tipik sa iyahang speech.
Sa exclusive interview sa DXDC RMN Davao kang Jaylord Marsamolo, teacher ni Maylas, iyahang gibutyag nga natandog ang ilahang kasingkasing ilabi na nga nasayud siya unsa ang kaagi sa mga estudyante sa lugar, diin apektado ang ilahang pagtuon tungod sa kagutom ug kawad-on. Nasayrang ‘no read, no write’ usab ang ginikanan ni Maylas rason nga mas naningkamot kini nga makahuman sa iyahang pag-eskwela.
“Kana siya (Jenilyn), naa gyud syay potential sa klase. Bright pud gyud sya. Muangat gyud sya sa uban. Wala pud gyud ‘mi nag-expect nga mag-viral (ang video) kay pag-speech niya ato, nakurat lang gyud pud ‘mi pagsulti niya… kadtong balanghoy, saging. Mao ‘to iyahang gisulti, ninghilak. Pati kami mga teacher nanghilak. Halos tanan – audience, pati iyang parents, pirti gyong panghilak nila,” saysay ni Marsamolo.
Matud sa magtutudlo nga human nga nag-viral ang post, ubay-ubay ang nagpaabot og tabang pinansyal, duna usay naghatag og usa ka sakong bugas ug uban pang donasyon.
Giklaro usab sa magtutudlo nga nananghid sila sa Indigenous People (IP) community ayha gi-upload ang video sa estudyante.
RadyoMaN Kirby Manzon
