Davao City – Kapin 300 ka mga pamilya ang gipatawag sa Brgy. Lapu-lapu, Agdao aron kinsa gipang-apod-aporan og hinabang human naapektuhan sa nahitabo’ng ipo-ipo sa milabay’ng adlaw.
Sa interbyu kang Christina Erno, residente sa maong lugar, mapasalamaton sila nga ubay-ubay nga nakadawat og hinabang gikan sa ilang barangay nga gipangulohan ni Brgy, Kap. Romeo Evangelista.
“Usa ka kilo nga bugas, mga delata, noodles, mga planggana, baso plato among mga nadawat gikan sa barangay,” segun niini.
Apan gibutyag niini nga wala pa silay nadawat nga hinabang gikan sa City Social Services and Development Office (CSSDO).
Kahinumdoman nga miigo ang dakong ipo-ipo sa Brgy. Lapu-Lapu, Davao City, bandang alas 7:00 sa gabii, Hulyo 22, 2018.
RadyoMaN Jason Amisola / RadyoMaN Don Pulayao
