Gihatagan og gibug-aton sa Indigenous People representatives nga nagtinguha sila og mas episyenteng sistema sa pampublikong transportasyon sa ilang lugar.
Matud ni Richard Villanueva, ang Deputy Project Manager sa Davao Public Transport Modernization Project, nga usa kini ka importante nga lakang aron mahatagan og mas maayo nga akses ang mga IPs sa mga pasilidad ug serbisyo nga sagad lisod nila maabot.
Dugang pa, ang proyekto naglakip sa pagtukod og 25 ka bus stops sulod sa ilang ancestral domain, ingon man paghatag og oportunidad sa trabaho alang sa mga miyembro sa komunidad sa mga terminal, depot, ug sa driving school, nga magpahugot sa ilang panginabuhian ug magmugna og dugang nga kauswagan sa ilang komunidad.
Pinaagi sa pakigtambayayong sa Department of Transportation (DOTr) ug City Government of Davao, mamahimong malampuson ang maong proyekto diin mabenepisyohan sab ang katawhan sa dakbayan.
RadyoMaN Kareen Beltran
