South Cotabato- Nagpahigayon ug lihok protesta ang Indigenious People (IPs) atubangan sa Regional Center sa SOCCKSARGEN nga nahimutang sa Koronadal batok sa mga komunistang grupo nga New People’s Army(NPA).
Kini dungan na usab sa ika-50th anniversary sa CPP-NPA niadtong desyambre 26.
Ang maong protesta gihimo sa mga IP’s gumikan sumala pa sila supak sa mga ginahimo sa maong grupo hilabi ang pagpangilad sa mga lumad nga nagpuyo sa mga hilit nga dapit.
Gihingusgan sa mga nagprotesta nga ila nang nasabtan nga ang gobyerno dili maoy nagapalisod-lisod kanila inay ang rebeldeng grupo nga anaa sa kabukiran maoy hinungdan niini.
Dugang pa sa mga nasangpit nga nabulag sila sa saad sa rebelding grupo nga matud pa sila hatagan ug libreng edukasyon hospitalization ug uban pa nilang panginahanglan higayon nga muanib sila sa maong hrupo.
Apan kadugayan sumala pa ilang nabisto nga ilad lang ang tanan ug walay kamatuoran nga mahatagan sila ug haruhay nga kinabuhi sa grupo sa NPA.
