Iranian Beauty Queen Naharang Sa Immigration

Usa ka Iranian beauty queen ang giharang sa Bureau of Immigration sa Ninoy Aquino International Airport (NAIA) niatong miaging Huwebes October 17, 2019 ug karun nangayo kini’g pakitabang nga protektahan dinhi sa nasud Pilipinas.

Naila ang Iranian beauty queen nga si Bahareh Zare Bahari. Sigun pa ni Bahari nga delikado ang iyang kinabuhi kung pabalikon siya sa Iran tungod sa iyang pag-apil sa beauty pageant kung diin usa kini ka pagsupak sa ilahang tradisyon.

Ang Department of Justice (DOJ) nag-ingon nga ila una’ng i-review ang request ni Bahari una kini hatagan og asylum kun proteksyon diri sa Pilipinas.


Miingon sab si Justice Secretary Menardo Guevarra nga ilaha kining i-verify kung tinuod ba gyud ang giingon ni Bahari nga biktima siya sa persecution sa Iran. “The main criterion is the existence or non-existence of political persecution in her home country”, matud ni Guevarra.

Ang pag-aresto kay Bahari sa NAIA giubanan kini sa usa ka nga Interpol red notice sa usa ka assault case nga gi-file ngadto sa beauty queen sa Iran.

Sa pagkakaron anaa na sa kostudiya sa BI sa NAIA si Bahari.

Si Bahari nahimong Iran Representative sa Miss Intercontinental 2018 Pageant nga nahitabo sa Manila niadatong January karun lang tuiga.

Facebook Comments