Sa interbyu sa DXDC RMN Davao kang PCpt. Rey Sotomayor, Office in Charge sa Sulop MPS, gisaysay niini nga gitugway ni Jeanilene Encallado, ang tulo ka kanding nga iyang gibatonan, sa kasagbutan sa ilang lugar ug pagkahapon sa dihang iyaha na unta nga kuhaon, didto na nakit-an nga patay na mga kanding diin aduna kini mga samad sa liog ug lawas.
Matud sa pulis nga gipamulong ni Encallado nga wala syay nakaaway nga posibleng makonekta sa paghimo sa insidente. Dinhi usab mibaha ang kumento sa netizens nga basin og gibalbal ang mga hayop.
Apan matud sa pulis, posibleng iro nga saag ang nagpatay sa mga kanding kung asa nakitaan usab og trace sa ngipon sa hayop ang ilang mga samad.
“Kadtong nakita gyud didto sa area, posible nga kadtong duha ka kading, nahikot siya sa pisi unya nalambod sa iyang tiil. Siguro nakita sa iro (nga saag) nga ingon ato na’ng sitwasyon, iyang gi-take advantage,” saysay ni Sotomayor.
Panawagan sa police official sa ilang mga residente nga dili angay mag-panic tungod sa sitwasyon diin padayon usab nga ginaimbestigahan sa awtoridad ang insidente.
RadyoMaN Kirby Manzon
