Gintawag ni Governor Arthur Defensor nga irresponsable ang sin-o man nga nagpasibangud sa iya nga amo ang nagpa-untat sang “pasungay karabaw” sa banwa sang San Joaquin.
Suno kay Defensor nga wala siya sang kahilabtanan sa pagpauntat sang nasambit nga aktibidad sa banwa sang San Joaquin.
Gindugang pa sang Gobernador nga wala man siya sang poder nga ipauntat ang “pasungay” bangud isa ini ka local activity kag ang LGU sang San Joaquin amo ang maka-desisyon kon ila ini untaton ukon indi.
Una diri nabaton sang opisina sang Gobernador sang nakaligad lamang nga adlaw, Enero 21, ang sulat gikan sa Animal Kingdom Foundation nga nagahingyo kay Governor Defensor nga pauntaton ang pasungay.
Subong man, sang Biyernes pa lamang, Enero 18, nagmandu na si Mayor Ninfa Garin nga ipaiwayb ang paghiwat sang pasungay subong nga tuig bangud sa legal issues.
