> READ! Isa an patay ug 3 an samdan sa dihang nadisgrasya an motorsiklo ug tricycle sa Purok Kalipayan, Brgy. Mabini, Mainit, Surigao del Norte. Sa pamahayag sa Chief of Police na si Senior Inspector Florence Pacleb, tagkilaya an namatay na si Christian Lloyd Mongado Mosca, driver sa motorsiklo, 28 anyos, ulitawo, wayay trabaho, residente sa Purok Rosal, Brgy. Quezon, Mainit. Sa amo na panghitabo, may duha ka backrider niini na 17 anyos ug 20 anyos. An laing nalambigit na sakyanan an tricycle na tagmaneho ni Jomar Olivar Diaz, 28 anyos, residente sa Brgy. Matin-ao, Mainit. Sa inisyal na imbestigasyon nan kapulisan, an motorsiklo adto na higayona an nagsubay sa Brgy. Mabini, pasingod unta sa Mainit proper, an tricycle an kasugat niini na kalit mi-overtake sa laing sakyanan, diretso na mibangga sa motorsiklo. Gumikan kay wayay helmet na tagsukbot si Mosca nakaangkon ini nan grabe na samad sa uyo, tagdali pa pagdaya sa Mainit Medicare ug tag-refer sa Caraga Regional Hospital pero tagdeklarar na dead on arrival. An duha ka backriders sa motorsiklo lakip an driver sa tricycle ug duha ka pasahero niini an puros minor injuries lamang an naangkon. An duha ka sakyanan na nalambigit sa disgrasya an tag-impound sa kadamtangan sa Mainit Municipal Police Station lakip na tagdetinir an driver sa tricycle na si Diaz ug tagtakda sang-atan nan kaso. > > > > >
