Isa ang patay kag isa ang pilason sa magkatuhay nga insidente sang pagpangbuno kag paglabu sa banwa sang Oton, Iloilo kagab-i.
Una nga insidente amo ang pagbuno nga nagluntad sa barangay Pakiad, Oton, Iloilo kon sa diin ang biktima ginkilala kay George Tibajares, 42 anyos sang amo man nga lugar nga nakaagum sang pilas sa dughan kag tiyan nga gintunaan sang iya kamatayon.
Samtang ang suspek nga natigayon man nga madakpan amo si Andres Eresuela, 66 anyos sang amo man nga lugar.
Ginpahayag nga nakainum ang suspek kon sa diin naakig ini sang gin-alegar ginhaboy sang biktima ang iya manok.
Sa pihak nga bahin, ang insidente sang paglabu natabu naman sa barangay Lambuyao, Oton kon sa diin ginkilala ang biktima nga si Sherwin Jocse, 42 anyos sang amo man nga lugar kag ang suspek ginkilala kay Freddie Moreno sang sitio Manwi, Barangay Tagbak sur, Oton, Iloilo.
Suno kay Police Executive Master Sgt. Gaudioso Yudelmo nga naga-inum inum a ng biktima kag suspek sa balay ni alyas Rading ang magbaisay ang mga ini nga nagresulta sang nasambit nga insidente.
Gindala sa Ioilo Doctor’s Hospital ang biktima samtang at large naman ang suspek.
