Ginpaandaman ni Presidente Rodrigo Duterte ang isa ka alkalde sa probinsya sang Negros Occidental.
Sa iya pamulong-pulong sa ginpatigayon nga campaign rally sa Bohol kagab-i, Mayo 8, ginpahayag sang presidente nga sa iya pag-abot sa Negros, iya nasugilanon ang nasambit nga mayor kag ini ang iya ginprangka nga kun maghimo ini sang problema sa pumuluyo, makit-an gid niya ang ‘ultimate solution’.
Ginapahalong man ni Duterte ang nasambit nga alkalde kag hatagan sang tsansa ang tanan mga pumuluyo sa iya banwa nga maka-botar sang hilway bangud kinamatarong sang kada inibidwal ang pagpili sang ila naluyagan nga lider.
Dugang pa sang pangulo nga dapat sundon sang amo nga mayor ang madato sang konstitusyon.
Apisar nga ginasuportahan niya ang nasambit nga alkalde, dapat hatagan niya ini sa gihapon sang paandam.
Matapos ang ila sugilanon, wala kahibalo ang pangulo kun amigo niya pa ini.
Nagpadulong sa banwa sang Moises Padilla si Pangulong Duterte kagapon, Mayo 8, para pangunahan ang isa ka command conference kaupod ang Philippine Army kag PNP.
Separado naman nga gin-istorya sang pangulo ang alkalde kag bise alkade sang banwa sang Magallon. Sini nga semana ginpaidalum ang nasambit nga banwa sa COMELEC control bangud sa asud asud nga election-related incidents. /DYHB NEWSOOM/IFM NEWSROOM/RCSG
