Patay ang isa ka babayi nga may diperensya sa pamensaron matapos nga ini siya ang naipit sang isa ka 10-wheeler truck kahapon sang aga sa area sang Barangay 2.
Nakilala Edisa Escadera, 30 anyos ang edad, pumuluyo sang Purok Tahong, Barangay 2.
Suno sa utod sang biktima nga may mga las 10 kahapon sang aga sa atubang sang isa ka daku nga supermarket sa Brgy. 2 samtang nagatabok ang iya manghod, hinali na lamang ini nga nadalasa sang amo nga truck.
Nag-angkon sang fatal nga pilas sa iya tiyan ang biktima gani ginhingagaw ini dala sa Corazon Locsin Montelibano Memorial Regional Hospital apang wala na nasalbar pa kag gindekalrar nga Dead on Arrival.
Samtang, ang driver naman sang 10-wheeler truck nga wala ginhingadlan ang detained karon sa Police Station 2 – RCSG / iFM News Bacolod / RMN News Bacolod
