ISA KA BALAY SA BANWA SANG TUBUNGAN, NAGUBA MATAPOS MATIPHAGAN SANG DUTA BANGUD SANG LANDSLIDE

Isa ka balay ang naguba matapos matabunan sang duta nga natiphag sang magluntad ang landslide sa Barangay Bacan, Tubungan , Iloilo pasado alas 12 kahapon sang udto.
Ginpahayag ni Police Lt. Jose Rommel Samson, hepe sang Tubungan PNP nga totally damaged ang balay ni Thelma Tacadao, 55-anyos sang hinali lang nga matiphagan sang duta nga naghumok bangud sa pag-ulan-ulan.
Masuwerte naman nga wala sang may nahalitan nga miyembro sang pamilya sa nasambit nga insidente.
Nahibaluan nga kaupod ni Thelma Tacadao sa balay ang iya bana kag mga kabatan lakip na ang iya iloy nga tuman na ka tigulang.
Sa karon temporaryo nga nagpuyo ang pamilya Tacadao sa balay sang ila himata malapit sa ginluntaran sang nasambit nga landslide.

Facebook Comments