Ginlockdown ang isa ka compound sa Zone 5, Barangay Nabitasan, La Paz bangod sa madamo nga kaso sang COVID-19.
Aminado si Punong Barangay Barbara Joy “Barbie” Aroza sang Nabitasan, La Paz nga nakibot siya sa gulpiyada nga pagsaka sang kaso sang COVID-19 sa ila barangay.
Suno sa iya, sang tinalikdan nga semana, zero case na sa COVID-19 ang ila barangay.
Sa karun, may 21 ka kaso sang COVID-19 sa Nabitasan, La Paz sa diin ang index case amo ang isa ka bata nga gindala sa ospital bangod sa appendicitis.
Isa sa mga requiremnt antes ang operasyon amo ang swab testing kag naggwa nga positibo ang bata sa COVID-19.
Sa contact tracing, nagpositibo man ang 3 sa lima ka gintest rason nga mas naglapad pa ang gin-contact trace tubtob nga nadugangan pa sang 17 ang nagpositibo sa COVID-19.
Bangod sini, ginpaidalum sa surgical lockdown ang compound sa diin naga estar ang mga nagpositibo sa virus.
Panugyan ni PB Aroza, maghalong, indi magkampante kag padayunon nga sundon ang health protocol agud indi na maglapta ang COVID-19.
