Roxas City, Capiz – Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang 22-anyos nga lalaki nga nadakpan sa ginkasa nga buy bust operation malapit sa parking lot sang isa ka mall sa Brgy Tanque, Roxas City.
Nakilala ang subject person kay Markhiz Reguire y Bautista, isa ka estudyante sa Alternative Learning System(ALS) kag residente sang Brgy. Dayao, Roxas City.
Natigayon nga marekober sa iya ang duha ka sachet sang ginasuspetsahan nga shabu, isa ka unit sang cellphone kag isa ka libo nga buy bust money.
Nahibaluan nga newly-identified drug personality ang amu nga persona.
Ginpahayag sang hepe sang Provincial Drug Enforcement Unit(PDEU) nga si Lt. Col Julius Balano, pila man ka adlaw nga ginpaidalom nila sa surveillance ang aktibidad sang amu nga persona.
Ang amu nga operasyon ang natigayon paagi sa ginhugpong nga pwersa sang PDEU kag PDEA-Capiz.
photo(c)- PDEA
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
