Maayon, Capiz – Gintutokan sang pusil sang isa ka manunudlo ang mismo pakaisa sini nga punong barangay sang Alayunan, Maayon, Capiz alas sais pasado sang gab-i.
Nakilala ang tagreklamo kay Kapitan Joel Doabe y Dorado, 55-anyos sang Brgy Alayunan Maayon Capiz samtang ang ginapahayag suspek ang nakilala kay Darnell Doce y Dorado.
Basi sa impormasyon, gin-imbitahan ang nasambitan nga duha ka persona sa birthday ni Edwin Doce kun sa diin may yara sang komprontasyon nga natabo sa tunga sang biktima kag sang suspek.
Sang magapauli na kuntani ang punong barangay, ginsunod ini sang manunudlo kag didto gintutokan sang pusil kabangdanan nga nagresponde naman ang tatlo ka mga kaupdanan nga barangay tanod kag gin-agaw ang amo nga pusil.
Matapos ang insidente, nagpalagyo ang suspek samtang ang .45 caliber pistol nga may yara sang lima ka mga bala ang yara na subong sa paghinakop sang Maayon PNP.
