Zarraga, Iloilo- Pilas sa wala nga tiil kag bagras sa nagkalainlain nga parte sang lawas ang naangkon ni Arlou Samarca, 22 anyos sang Dungon C, Mandurriao matapos nabungguan sang motorsiklo nga ginamanehar sang isa ka menor de edad sa Poblacion Ilaya, Zarraga.
Natabo ang insidente alas 11:35 kaina sang aga sa nasambit nga lugar.
Suno kay Police Inspector Roy Castro sang Zarraga MPS, nagapanakod sang streamer si Samarca apang nabungguan sang motorsiklo sang nagtabok sa dalan.
Gindala sa Western Visayas Medical Center si Samarca samtang yara naman sa Iloilo Provincial Hospital sa Pototan ang driver sang motorsiklo.
Facebook Comments
