Duha ka oras ang naglampuwas sa tungang gab-i kaina sang kaagahon, ang duha ka mag abyan nagalakat sa dalan kag nakalab-ot sa isa ka taytay sang Lapaz, may tuyo nga magtilaw sang unod nga ginalibod magligom ang dulom.
Sa unhan lang may nagpaypay sa ila, mga tag-iya sang unod nga kinilo ang libod. Sa malayo naga inggat na ang mga ini, kutis nga bisan sa dulum nagabadlak sa gihapon. Daw sa gina higop ang duha ka mag abyan padulong sa mga paryente ni Magdalena.
“Sir ano gusto nyo babaye?”, pamangkot sang isa ka babaye sa duha ka mahiligon sa karne. Daw sa naghuya-huya pa si Paul kag Joking. “Ngaa pila gid ang bili nyo?, sabat ni Paul. “1,500 lang kada isa ah”, pitik nga estorya sang babaye nga gwapa.
“Tsk kamahal man, 1,000 na lang bala”, ayu sang mga lalaki. Nahibaluan nila nga kulang on ang unod sang ila bulsa. “Okay naman na ah, 1,000 kada isa”, madasig nga sabat sang mga manuglibod karne.
Nagkuot sa iya bulsa si Paul, ginlantaw ang kwarta nga nalikit didto. Wala niya mauyatan sang hugot ang isa ka libo nga kwarta gani nahulog ini sa duta. Wala maka preparar ang duha ka lalaki sang gulpi nga pagduko sang isa ka babaye dala lab-ot sang mahilig nga kwarta. Sa iya pagtindog, gindasok sa iya baba kag gin ugum ini.
Daw sa haras-haras nga nagdalagan ang duha ka lin-ay palayo, ginlagas sang mga lalaki. Tikang nga daw gakadang-kadang ang ginhimo sang mga seksi. Madasig kag mabaskog ang tiil sang mga lalaki gani nalab-ot gid ang duha.
“Animal, ilu-ad ang gin ugum mo nga kwarta sang migo ko”, singgit ni Joking samtang naga hapo-hapo. Gin uyatan ni Paul ang nag ugum sang kwarta pero nagtalikod ini kag nag sikangkang, may ginkuha sa iya baba kag ginhakyaw ang kamot nga may nauyatan nga papel pakadto sa iya tago nga kahita.
“Pare kuuton ko ang gintaguan ya?, pamangkot ni Joking sa amigo nga si Paul. “Indi na pare kay basi makasuhan ta”, sabat sang nagapang alang-alang nga si Paul. May mga nag abot nga mga kaupdanan ang mga babaye.
Nagbangigay pa sang makadali ang mga biktima kag ang mga kaupdanan sang mga babaye. Sang ulihi ila nahisugtan nga magpadulong na lang sa police station apang gulpi lang nagdalagan ang mga grupo sang kawti.
Wala na naglagas ang duha ka lalaki nga nabiktima sang mga abilidaran nga mga babaye. Nagpadulong na lang ang mga ini sa Police station para ipa blotter ang natabo.
