Dumarao, Capiz – Arestado ang isa ka pari matapos gin-alegar nangluthang sang pamatan-on sa Brgy. Poblacion Ilaya sa amu nga banwa alas 11:30 sang Dominggo sang gab-i.
Suno kay PSSupt. Samuel Nacion , director sang Capiz Police Provincial Office, naakig si Fr. Federico Lim, 45-anyos sang Brgy. Bailan, Pontevedra, Capiz sang nakit-an nga nakaharang sa gate sang kumbento ang mga motorsiklo nga ginapanag-iyahan sang mga pamatan-on.
Dugang pa ni Nacion nga ginpangtumba ni Lim ang mga motorsiklo tubtob nagluntad ang pagbina-isay .
Ginhangkat sang mga pamatan-on si Lim nga magpanaog apang nagkuha ini sang armasluthang kag nagpalupok apang maswete nga wala sang may naigo.
Boluntaryo nga ginturn-over ni Lim sa mga kapulisan ang isa ka Caspian caliber .45 pistol apang expire ang lisensya.
Ginpahayag nga indi na interesado ang mga pamatan-on nga magpasaka sang kaso batok sa pari apang Natalana naman ini nga pasakaan sang kaso bangud sa expire nga lisensya sang armas luthang.
