Roxas City, Capiz- Dakop ang isa ka persona sa ginkasa nga buy bust operation sang mga katapo sang Provincial Drug Enforcement Unit(PDEU) sang Capiz PPO.
Ginkilala ang suspek kay Arvin Jeric Torres y Embucado, 27-anyos, residente sang Barangay Banica, Roxas City.
Narekober sang kapulisan ang 24 tanan ka sachet sang ginasuspetsahan shabu, P250 pesos nga cash, itom nga pouch kag P1000 buy bust money.
Narekober man sa suspek ang ginapanag-iyahan sini nga motorsiklo.
Suno sa interview kay Police Lt. Mark Anthony Garcia, nagtuhaw ang pangalan sang suspek base sa panuaron sang una na nga nadakpan nga mga drug suspect.
Pagapasakaan sang kaso nga paglapas sa RA 9165 ukon Comprehensive Dangerous Drugs Act of 2002 ang amo nga persona.
Facebook Comments
