Roxas City, Capiz – Arestado ang 41- anyos nga drug suspect pinaagi sa ginkasa nga buy bust operation kaina alas 2:20 sang kaaganhon sa Brgy V, Roxas City. Ginkilala ang subject person kay Leo Gaborne kun sa diin kalakip sa narekober sa iya ang anum tanan ka sachet sang suspected shabu.
Ini ang ginabanta nagabalor sang P221, 000 pesos ang street value.
Maluwas diri, narekober man sa amo nga persona ang cellphone, digital weighing scale, pusil lakip na ang napulo ka mga bala.
Nahibaluan nga una na nga nadakpan sa anti-illegal drug operation ang amo nga persona sang nakaligad nga September 24, 2018 apang nag-avail lamang sang plea bargaining agreement kabangdanan nga ini ang nakaguha sa presohan.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang amo nga persona.
