Panay, Capiz- Patay ang isa ka persona samtang pilason ang isa pa sang makuryente ang mga ini alas 5:30 sang hapon samtang nagakay-o sang antenna sang telebisyon sa Poblacion Ilaya, Panay, Capiz.
Ginkilala ang napatay kay Patrick Ismael Bassig y Francisco, 27-anyos sang Taguig City apang temporaryo nga nagaistar sa Poblacion Ilaya, Panay, Capiz kun sa diin ini ang gindeklarar nga dead-on arrival sang gindangat sa Health Centrum Hospital.
Samtang pilason man kag nag-angkon sang mga paso si Jerry Bermejo, 47-anyos ang pang-edaron nga kaupod sini nga nagaobra sang antenna.
Suno sa imbestigasyon sang kapulisan, aksidente nga natumba ang butong sa secondary lines sang Capelco kabangdanan sang pagkakuryente sang duha.
Facebook Comments
