Isa ka persona, nalab-an sa banwa sang Dumarao!

Dumarao, Capiz – Pilason ang isa ka persona matapos nalab-an mga alas 5:15 sang hapon sa Brgy Tamulalud sa banwa sang Dumarao.
Nakilala ang biktima kay Alejandro Hapitan Jr, 27-anyos ang pang-edaron. Ini ang nag-angkon sang pilas sa nawala nga kamot kag sa subong ang ginabulong sa Mambusao District Hospital.
Samtang ang ginatudlo nga suspek amo si Mark Anthony Halegado, 35-anyos sang nasambitan nga lugar.
Suno sa imbestigasyon sang Dumarao PNP, ang pagpaobra sang biktima sang payag malapit sa alagyan sang suspek amo ang gintunaan sang krimen.
Ginpahayag nga gin-sita sang amay sang suspek ang biktima bangud sagabal sa alagyan ang ginpaobra sini nga payag. Nag-uli ang mga ini kag pagbalik may yara na sang dala nga sanduko ang suspetsado.
padayon ang imbestigasyon sang kapulisan sa amo nga insidente.
photo(c)- from web

Facebook Comments