![found-dead-body.jpg](https://i0.wp.com/rmn.ph/wp-content/uploads/2019/07/found-dead-body.jpg?resize=696%2C522&ssl=1)
Pontevedra, Capiz- Blangko pa tubtob sa subong ang mga kapulisan sang Pontevedra angut sa motibo kag suspek sa kamatayon sang isa ka lalaki sa Sitio Catipayan Brgy Lantangan banwa sang Pontevedra.
Ginkilala ang biktima kay Robete Bolaño alyas “Bagyo” nga nag-angkon sang patal nga pilas sa ulo kag iban nga parte sang lawas sa diin ini ang nasapwan na lamang nga duguon kag wala na sang kabuhi sa sulod mismo sang iya poluy-an.
Narekober sang mga kapulisan ang pito tanan ka empty shell sang .45 caliber pistol kag anum ka mga deformed slug.
Ginapatihan sang mga otoridad nga ginbantayan ang biktima nga makasulod sa iya poluy-an antes ini ginluthang sang makapila ka beses sang wala pa makilala nga suspetsado.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>