Jamindan, Capiz – Patay ang isa ka persona samtang padayon nga ginabulong ang isa pa ka upod sini sa ospital sa bunggoanay sang motorsiklo kag van alas 7:10 sang gab-i sa Barangay Linambasan, Jamindan, Capiz.
Ginkilala ang napatay kay Dave Gallano y Garino, 20-anyos ang pang-edaron sang Brgy Maantol, Jamindan, Capiz nga driver sang motorsiklo.
Samtang ginkilala ang upod sini kay Cyrel De Juan y Vipinosa, 21- anyos nga nag-angkon sang kapilasan sa lawas.
Suno sa inisyal nga imbestigasyon sang kapulisan sang Jamindan, ginasubay sang retired army nga si Joeffrey Lizada y Lipardo, 56-anyos sang Jaena Norte, Jamindan ang dalan pauli sang nasugata malapit sa kurbadahon nga porsyon sang dalan ang mga biktima kabangdanan sang pagkabunggo sang mga ini(head-on-collision).
Bangud sa kabaskugon sang pagkabunggo, gin-apok pa ang duha ka mga nakasakay sa motorsiklo.
Boluntaryo naman nga nagsurrender kay Punong Barangay Henry Vili sang Jaena Norte ang suspek kag ini ang ginturn-over sa mga kapulisan.
photo(c)- Mardz Bringuela-Cusay
