Sapian, Capiz – Pilason ang isa ka persona makaligad ginluthang samtang nagapauli na sa ila poluy-an sa Sitio Pirara Brgy Dapdapan, Sapian alas 11:30 sang gab-i.
Ginkilala ang biktima kay Jonie Orap-orap,24-anyos ang pang-edaron may asawa kag residente sang Brgy Agcabugao, Cuartero, Capiz nga nag-angkon sang pilas sa wala nga paa lapos sa tuo nga paa sini.
Sa subong yara ginabulong sa Roxas Memorial Provincial Hospital ang amo nga biktima.
Ginsiling sang iloy nga si Haide Orap-orap, nagalakat pauli ang anak sini halin sa poluy-an sang iya utod sang ginbantayan kag ginluthang sang ginatudlo suspek nga nakilala kay Arman Ocampo gamit ang wala pa matumod nga sahe sang armasluthang.
Padayon pa ang imbestigasyon sang kapulisan angut sa motibo sang krimen.
