Roxas City, Capiz – Pilason ang isa ka persona matapos ginsapote kag nabun-an pasado alas singko sang hapon sa Angelville Subdivision, Brgy San Jose sining syudad.
Nakilala ang biktima kay Dante Dela Cruz Jr. 29- anyos nga nag-angkon sang mga pilas sa ulo, likod abaga kag sa tuo nga kamot.
Samtang ang ginatudlo naman nga mga suspek amu ang mag-utod nga sanday Jayson Valentino kag Aljon Valentino nga lunsay mga residente sang nasambitan nga lugar.
Suno sa inisyal nga imbestigasyon, ang away sa battery sang motorsiklo amu ang gintunaan sang insidente.
Nahibaloan nga antes pa man ang natabo nga bun-anay, nagluntad na ang masingki nga sabtanay nga nagresulta sa rambol sa tunga sang mga suspek kag biktima.
Ang nasambitan nga kaso ang ginbalik naman sa barangay justice sang nasambitan nga barangay.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
