Pontevedra, Capiz – Patay ang isa ka persona matapos nga aksidente nga nabunggo ang ginasakyan sini nga motorsiklo sa naga-atras truck alas 4:30 sang aga sa Barangay Bailan, Pontevedra, Capiz. Ang 26-anyos nga biktima ang nakilala kay Ivan Que Dacles y Padilla nga gindeklarar nga dead-on-arrival sang gindangat sa Bailan District Hospital. Suno sa impormasyon, pauli na ang biktima matapos nga nagbakal sang sud-an sang wala sini matalupangdan ang naga-atras nga truck nga ginamaneho ni Roberto Ducanes, 39-anyos sang Barangay Tincupon, Panit-an, Capiz. Nabunggo ang ginasakyan sini nga motorsiklo kabangdanan sang gilayon nga kamatayon sang biktima. Suno sa inisyal nga imbestigasyon sang Pontevedra PNP, yara sa idalom snag impluwensya sang makahulubog nga ilimnon ang nasambitan nga persona. Nahibaluan dugang nga wala sang suga ang ginamaneho sini nga motorsiklo.
