Estancia, Iloilo- Patay ang isa ka seaman matapos nagbunggo ang ginamanehar nga motorsiklo sa traysikol sa banwa sang Estancia alas 9:30 kagab-i, Mayo 13.
Ginkilala ang biktima kay Lowelou Alpasan, 26 anyos sang Carles, Iloilo kag isa ka marinero.
Suno kay PCI Jona Galicia sang Estancia Municipal Police Station, nagbisita si Alpasan sa iya himaata sa Tacbuyan, Estancia apang naglapaw sa linya ang ginasakyan nga motorsiklo rason nga nagbungo ini sa nasugata nga traysikol sa diin, nagsuhot ini sa sidecar bangud sang impact.
Gindala pa sa hospital si Alpasan apang gindeklara nga dead on arrival bangud sang patal nga pilas sa ulo.
Santo sa imbestigasyon sang kapulisan, naka-inom sang makahulubog nga ilimnon ang biktima.
Samtang, nakaangkon sang minor nga kapilasan ang driver kag duha ka sakay sang traysikol.
(photo from web)
