ILOILO – Isa ka tawo kada adlaw ang nadiagnose nga may HIV diri sa region 6.
Ini kun basehan ang data sadtong Enero 2018 sang regional epidemiology and surveillance unit sang DOH-6.
Suno kay Christine Mosqueda, Regional Sexually Transmitted Infections (STI) Nurse Coordinator, sang DOH 6 sa bulan lang sang Enero subong nga tuig may ara na sang 69 ka kaso mas mataas ini sa 38 ka kaso sadtong Enero 2017 kag 49 ka kaso sadtong 2016.
Ginpahayag ni Mosqueda nga ang age bracket nga may pinakamataas nga HIV cases amo ang 25-35 years old nga may 32 ka kaso.
Nagapangaduha diri ang age bracket nga 15-24 years old nga may 18 ka kaso kag ginasundan sang 35-49 age brackey nga may 17 ka kaso kag above 50 nga may duha ka kaso.
Sa 69 ka pasyente 49 diri ang wala sang sintomas samtang 20 diri ang ara na sa advance ukon AIDS cases.
Kadam-an sang mga pasyente lalaki nga may 65 ka kaso samtang apat lamang sa mga babaye.
Photo from web
