Ginapreparahan sa subong sang provincial government sang South Cotabato kag mga local government units sa probinsya ang pag-abot subong nga semana sang isa pa ka batch sang Hatid Tulong Program halin sa Metro Manila.
Suno kay Dr. Rogelio Aturdido Jr., Provincial Health Officer sang South Cotabato ginalauman nga magaabot ang mga stranded individual sa Hulyo 25 tubtub 26.
May-angot sini, ginapreparar na ang quarantine facility sang tagsa ka LGU para sa mga mag-abot agud nga malikawan ang natabo sang nagligad sa banwa sang Banga.
Samtang isa sa ginatun-an nila sa subong suno kay Dr. Aturdido kon paano kakakason ang home quarantine bangud ang iban wala naman nagatuman sa katorse diyas nga quarantine period.
Ginpahayag man ni Dr. Aturdido nga ginatun-an man nila sa subong ang mga authorized person outside residence nga nagagwa , sulod sa rehiyon dose.
