Isinusulong ng isa pang senador ang tuluyang pagbabawal sa online gambling sa bansa.
Sa ilalim ng panukala, ipagbabawal ang lahat ng uri ng online gambling tulad ng casino, e-sabong, digital lotteries, virtual slots, at sports betting.
Mahigpit na ring ipagbabawal ang pag-e-endorso at pag-advertise ng gambling-related content online.
Oras na maisabatas, aatasan ang mga internet service provider na i-block ang mga gambling platform sa loob ng 48 na oras matapos makuha ang kautusan.
Kung hindi susunod ang service provider ay pagmumultahin ito o babawian ng lisensya.
Ang mga kumpanya naman na lalabag ay papatawan ng multa mula ₱500,000 hanggang ₱1,000,000, at hanggang tatlong taong pagkakabilanggo para sa mga may salang opisyal.
Facebook Comments
