Dead on the spot ang isa ka babaye samtang duha ang pilason sa nagluntad
nga pagpangluthang alas 10:30 kagab-i sa Purok Laguang, Barangay Rubber,
Polomolok, South Cotabato.
Ginkilala ni Police Senior Inspector, Romeo Albano, Deputy Chief of Police
sang Polomolok MPS ang napatay nga biktima kay Noby Alivarez Suela, may
legal, samtang pilason naman sanday Jefrey Tumilang Campo, 23anyos kag isa
ka katorse anyos nga babaye.
Suno sa imbestigasyon, yara suno pa sa atubang sang Rose Diagan sari-sari
store ang biktima nga napatay para magdul-ong sang sweldo sa kaupod sa
trabaho kag mangita upod pa-Davao para magbakal sang saging
Apang matapos mahatag ang sweldo nagsakay na ini sa iya rusi nga motorsiklo
sang hinali na lang nagpalapit ang suspek nga naka ninja mask, naka itom
t-shirt kag naka short pants.
Pilit suno pa nga ginkuha sang suspek ang siling bag sang biktima pero
gilayon naman ini nga gintiro nga nangin tunaan sang hinali nga kamatayon
Samtang nasalabat naman ang duha ka biktima bangud malapit ini sa gintabuan
sa krimen
Nahibaluan pa halin sa employer sang biktima nga may dala nga ini P30,000
nga cash para ipangsweldo sa empleyado.
Kaangot sini ginpahayag ni Albano nga hold up ang motibo sa insidente.
Narekober naman sa gintabuan sang krimen ang tatlo ka basiyo sang
ginaaligar caliber 45
Sa karon nagapabilin pa sa opsital ang duha nga nadalasa sa krimen, samtang
padayon pa ang ginahimo nga imbestigasyon
