Isa patay, isa kritikal sa patyanay sang magbayaw sa Brgy Culajao, Roxas City!

Roxas City, Capiz- Patay ang isa ka persona samtang ginabulong sa ospital ang isa pa matapos ang nagluntad nga komosyon nga nagresulta sa patyanay sa Brgy Culajao sining syudad, alas 9 sang gab-i.
Ginkilala ang napatay kay Rolando Cordovero y Alcazaren, 60-anyos nga nag-angkon sang patal nga pilas sa iya dughan tuga sang buno sang mismo bayaw nga nakilala kay Ruperto Trinidad y Antojado, 68-anyos ang pang-edaron. Samtang pilas man ang naangkon ni Trinidad sa tiyan lapos sa likod nga padayon nga ginabulong sa ospital.
Suno sa imbestigasyon sang kapulisan, nagluntad ang pagsabtanay sa tunga sang duha kun sa diin una nga naggabot sang pusil si Trinidad kag ginluthang ang bayaw.
Ini ang nakabalos pa pinaagi sa pagbuno naman kay Cordovero sa dughan nga nangin kabangdanan sang gilayon nga kamatayon.
Suno kay Kagawad Jose Henry Alcazaren, parte sa gumangkon sang mga ini nga nadalahig sa kinawatay ang gintunaan sang pagsabtanay sang duha ka persona.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments