Roxas City, Capiz – Nag-abot na kagab-i sa Roxas City Quarantine Facility ang napulo(10) ka OFWs nga kabahin sa ikaapat nga batch sang OFW repatriates nga magapaidalum sa mandatory 14-day quarantine.
Apisar nga nag- NEGATIBO sa RT-PCR test antes magbiyahe halin sa Manila, kabahin sa precautionary measure nga ipaidalum sila liwat sa Rapid Test pag-abot nila diri sa Capiz.
Sa masubo nga palad, isa (1) sa napulo (10) ka repatriates ang nag-POSITIBO sa Rapid Test.
Ini siya ang guilayon nga guindala sa Roxas Memorial Provincial Hospital para sa nagakaigo nga eksaminasyon kag pagbulong. Sya i-swab subong nga adlaw para sa RT-PCR confirmatory test.
Sa Biernes, magapaidalum man sa RT-PCR Test ang nabilin nga siyam(9) sa Batch 4.
Samtang lauman sa gihapon ang ginapatuman nga istrikto nga monitoring kag pagsunod kun anu ang nagakadapat.
