Lumutang sa Philippine National Police Anti-Cybercrime Group (PNP-ACG) ang isa sa Philippine-based creators ng website ‘8chan’ o Infinity Chan para linisin ang kanyang pangalan.
Nabatid na nakalagay sa website ang manifestos tungkol sa nangyaring mass shootings sa El Paso, Texas; Poway, California at Christchurch sa New Zealand.
Natunton ng mga awtoridad si Frederick Brennan, isa sa mga creators ng website.
Ayon kay PNP-ACG spokesperson, Police Major Levy Lozada – sumadya sa kanilang tanggapan si Lozada para i-clear ang pangalan niya.
Sinabi ni Lozada sa kanila na hindi siya ang lehitimong may-ari ng website at itinuturo niya si Jim Watkins.
Sa isang uploaded video sa YouTube, sinabi ni Watkins na isang trahedya ang mga karumal-dumal na pagpatay sa iba’t-ibang lugar sa Amerika.
Pero iginiit din ni Watkins na walang nilabag na anumang batas ang website.
Tiniyak ng PNP-ACG na paiigtingin nila ang kanilang patrol sa internet sa posibleng online hate na posibleng pagmulan ng krimen.
