CALINOG, Iloilo – Nadakpan na ang isa sa mga suspek nga nagluthang-patay kay punong barangay Eustacquio Porras sang barangay Lonoy, Calinog, Iloilo.
Suno kay PSI Jose Nemias Pamplona sang Calinog PNP, ang suspek ginkilala kay Vincent Paduga.
Nadakpan ini paagi sa koordinasyon sang PNP sa mga ospital sa diin may nagtimbre nga ara ang suspek naconfined sa Qualimed ospital diri sa syudad.
Suno kay Pamplona, positibo ini nga gin-identify sang nakawitness sa insidente.
Ginconfirmar man ni Pamplona nga nakabalos pa tiro si kapitan Porras sa mga suspek nga nagluthang sa iya.
Nagalaum si PSI Pamplona nga makakuha sila snag dugang nga impormasyon kay Paduga kon sin-o ang nagsugo sa iya nga patyon si kap Porras kag kon ano ang motibo sang krimen.
Photo ctto
