CAUAYAN CITY – KINUMPIRMA NI ISABELA GOVERNOR RODOLFO ALBANO III NITONG LUNES NA KASALUKUYAN SIYANG NASA GERMANY UPANG DUMALO SA ISANG AGRICULTURAL FAIR, SA KABILA NG PANANALASA NG SUPER TYPHOON “UWAN” SA PROBINSYA NITONG WEEKEND.
SA ISANG PANAYAM, SINABI NI ALBANO NA MATAGAL NANG NAPLANO ANG PAGPUNTA SA BANSA AT MAY PAHINTULOT UMANO ITO MULA KAY DEPARTMENT OF THE INTERIOR AND LOCAL GOVERNMENT (DILG) SECRETARY JONVIC REMULLA.
SINABI NITO NA LAYUNIN NG KANYANG PAGBISITA NA MAKAHANAP NG MGA MODERNONG KAGAMITAN AT SOLUSYON SA AGRIKULTURA NA MAKATUTULONG SA MGA MAGSASAKA NG ISABELA, LALO NA SA ASPETO NG DISASTER MITIGATION AT MECHANIZATION.
UMALIS SI ALBANO NOONG SABADO, SA KABILA NG IPINALABAS NA DIREKTIBA NG DILG NA NAGBABAWAL SA LAHAT NG LOCAL CHIEF EXECUTIVES NA BUMIYAHE SA IBANG BANSA UPANG TUTUKAN ANG PAGHAHANDA AT PAGTUGON SA MGA KALAMIDAD.
TINIYAK DIN NG GOBERNADOR NA BAGO SIYA UMALIS, NAKAHANDA NA ANG LAHAT NG DISASTER PREPAREDNESS MEASURES SA BUONG LALAWIGAN.
